PoliticsSikkim

एसकेएम कार्यकर्ताहरुको नीच दुर्व्यवहारले राज्यको राजनैतिक स्तर घटेर गएको छ : एस डी एफ

सेप्टेम्बर, २०२१ -को दिन पूर्व सिक्किमको नाथाङ-माछोङ समष्टिअन्तर्गत रोलेप वार्डबाट पार्टीको सभा समाप्तिपछि घर फर्किदैगरेका एसडीएफ कार्यकर्ताहरूलाई एसकेएम पार्टीका कार्यकर्ताहरूले बाटो छेकेर नानाथरी गालीगलौज गर्दै धम्क्याउने जुन दुस्साहस गरे, त्यसको एसडीएफ पार्टी घोर निन्दा, विरोध एवं भर्त्सना गर्दछ। प्रजातान्त्रिक प्रणालीमा पक्ष-विपक्ष सबै राजनैतिक पार्टीहरूलाई खुल्ला रूपमा सभा आयोजना गर्दै जनतासँग भेटघाट गर्ने संविधानले दिएको अधिकार हो। अभाग्यवश, एसकेएम पार्टीको हातमा सत्ता परेदेखि यता  संविधानले दिएको मौलिक अधिकारलाई एसकेएम पार्टीका नेतादेखि लिएर मन्त्री, विधायक, कार्यकर्ता सबैले हत्या गर्दै तानाशाही र अप्रजातान्त्रिक क्रियाकलापले सिक्किमलाई ग्रसित बनाएका छन्।                 

शुरूदेखि नै विपक्षी पार्टीका नेतादेखि लिएर कार्यकर्ताहरू सबैलाई सरकार पक्षका कार्यकर्ताहरूले बाटो छेकेर दग्दी दिने, धम्क्याउने, सभाहरूमा डिस्टर्ब गर्ने, ढुङ्गा हान्ने, मान्छे कुटपिट गर्ने आदि जस्ता नीच क्रियाकलाप गरेर शान्तिप्रिय राज्य भनेर चिनिने सिक्किमको नाम बदनाम गरेका छन्।  एसकेएम कार्यकर्ताहरूको यस्तो नीच दुर्व्यवहारले गर्दा आज राज्यको राजनैतिक स्तर घटेर गएको छ। एसकेएम सरकार पक्षबाट गरिएको दुर्व्यवहारले गर्दा राज्यमा अप्रजातान्त्रिक, अमानवीय, अराजकता र तानाशाही शासन भएको प्रमाणित भएको छ। एसकेएमका भाड़ाका टट्टुहरूले पहिला पनि प्रजातन्त्रको मन्दिर मानिएको सिक्किम विधानसभाको मर्यादालाई उल्लङ्घन गर्दै पूर्व मुख्यमन्त्रीलाई अभद्र शब्द प्रयोग गरेर गाली गरे। पोकलोक-कामराङ समष्टिको उप-चुनाउमा एसडीएफ अध्यक्षको गाड़ीमा ढुङ्गा-मूढ़ाले आक्रमण गरे, बाटो छेके, विपक्षी प्रवक्तामाथि मध्य दिउँसो प्राणघातक हमला गरे, विद्यार्थी भाइ अरूण लिम्बूले सरकारको कमी-कमजोरी देखाउँदा घरमै भाड़ाका टट्टु पठाएर कुटपीट गरेको आदि जस्ता घटनाहरू सबैलाई विदित नै छ। यदि यसरी नै एसकेएम सरकार पक्षका कार्यकर्ताहरूले बाटो छेक्दै विपक्षीलाई धम्क्याउने, कुटपिट गर्ने काम गर्दा विपक्षी पार्टी वा अन्य समाजसेवकहरूलाई अलिकति खरोचसम्म पनि आयो भने त्यसको सरासर जिम्मा एसकेएम सरकारले लिनुपर्छ। किनभने सरकार भनेको सबैको हो, पक्ष-विपक्ष सबैको हो। पक्ष-विपक्ष सबैको जीवनको सुरक्षा गर्ने प्रथम जिम्मेवारी सरकारको हो।     

विष्णु दुलाल  सचिव,

प्रचार-प्रसार मामिला  

एसडीएफ।   

28.09.2021

Download Sikkim Chronicle App Download Sikkim Chronicle App

Related Articles

Leave a Reply

Your email address will not be published. Required fields are marked *

Back to top button