टाशिलिङ सचिवालयमा भएको तोड़फोड़को घटना सामान्य घटना नभएर सिक्किमको मान सम्मान र अस्तित्वमाथि प्रहार हो : सिक्किमे नागरिक समाज

प्रेस विज्ञप्ति

१९१५ साल देखि सिक्किमको प्रशासनिक केन्द्रको रुपमा स्थापित टाशिलिङ सचिवालयमा ग़त तारीक १५.०२.२२ मा भएको तोडफोडको घटना एउटा सामान्य घटना नभएर सिक्किमको मान-सम्मान र अस्तित्व माथि भएको प्रहार हो भनि सिक्किमे नागरिक समाज ठहर गर्दछ साथै उक्त घटनाप्रति घोर निन्दा र भर्तसना जनाउँदछ।

वर्तमान समय सिक्किममा मौलाउँदै गरेको आपराधिक घटनाक्रमले सिक्किमको प्रशासनिक व्यवस्था प्रणाली माथि ठूलो प्रश्नचिन्ह खडा गरेको छ भने यस घटनाले कुशासनको अझ थप उदाहरण प्र्स्तुत गर्दछ, र दिन प्रति दिन नयाँ-नयाँ आपराधिक मामिलाहरू बडदै गईरहेको कारण सिक्किमे समाजमा अराजकताको माहौल सृजना भएकोछ।

बेरोजगारी, भ्रष्टचार, प्राकृतिक सम्पदाको दुरुपयोग, सार्वजनिक संपत्तिको निजीकरण, सिक्किमेको अधिकार माथि गैर-सिक्किमेहरूको अतिक्रमण, पुरानो कानुनहरूको खुल्ला उल्ङ्घन, कृषक र गवालाहरुको अवहेलना, बिग्रँदै गएको कानुन व्यवस्था, खस्किदो शिक्षा र स्वास्थ्य प्रणाली, जाली कागजात मामिलामा दोषीहरू विरूद्व कार्वाही गर्न असमर्थ जस्ता अनेकों तथ्यांकले सिक्किमे समाज अनौयलता र असमंजसताको भुवँरी भित्र उकुसमुकुस भएर जिउनु वाध्य भएको प्रष्ट भएकोछ।

तसर्थ, जनमत पाएर सत्ता उपभोग गरिरहेको नेतृत्व र पार्टी यदि सिक्किमे जनता प्रति किञ्चित् मात्रपनि ईमानदार छ भने गम्भीरताको साथमा सिक्किमको वर्तमान र भविष्यलाई मध्यनजर गरेर झट्ट भन्दा झट्ट उचित पहल गर्ने सिक्किमे नागरिक समाज आव्हान गर्दछ।

विश्वमानै शान्ति र समृद्धि को परिचायक सिक्किमको गरिमा जोगाउने जिम्मावारी र दायित्व पुर्णरूपमा सिक्किम सरकारको कार्य क्षेत्रभित्र रहेको कारण यदि सरकार र प्रशासनको लापरवाहीले सिक्किमको कुनै पनि क्षेत्रमा आंच आएको खण्डमा यसको समपूर्ण जवाबदेही सिक्किम क्रान्तिकारी मोर्चा र भारतीय जनता पार्टीको गठवन्धन सरकार हुनेछ।

पासांग शेर्पा
महासचिव एवं प्रवक्ता
सिक्किमे नागरिक समाज
१८/०२/२०२२