प्रेस विज्ञप्ति
24 जून 2022
सिक्किम सरकारको कार्मिक विभागद्वारा गत वर्ष जारी भएको एउटा कार्यालय आदेश संख्या 533/6e/O मिति 08 सेप्टेम्बर 2021 भर्खरै मात्र भारतीय जनता पार्टीको संज्ञानमा आएको छ। आदेश अनुसार विभागले शिक्षा विभागबाट दुईजना अनि वन विभागबाट दुईजना गरी चारजना वान फेमेली वान जब अन्तर्गत कार्यरत कर्मचारीहरूलाई नोकरीबाट बर्खास्त गरिएको छ । आदेशमा उल्लेख गरिए अनुसार अञ्जुला मंगर अफिस एटेण्डेन्ट शिक्षा विभाग. हीना राई लश्कर एनसीसी, गान्तोक शिक्षा विभाग तार्जा राई वन विभाग नाम्ची अनि प्रिया तामाङ वन विभाग नाम्ची गरी चारजनालाई उनीहरूको पदबाट मुक्त गरिएको छ।
यस कार्यालय आदेशलाई लिएर अहिले अचम्मको तथ्य के अघि आइरहेको छ भने माथि उल्लेखित चारजना कर्मचारीहरू गत 18 जून 2020 सम्म नियमित रूपमा आफ्नो पदमा कार्यरत थिए अनि उनीहरूले आफ्नो वेतन पनि पाइरहेका थिए भूने उक्त दिन अचानक उक्त कार्यालय आदेश थमाएर उनीहरूलाई नोकरीबाट निकालिएको छ।
चारैजना कर्मचारीहरू नाम्ची जिल्लाको पोकलोक कामराङ निर्वाचन क्षेत्रका निवासी रहेका छन् भने त्यसमध्ये तीनजना भारतीय जनता पार्टीको मण्डलस्तरीय समितिका पदाधिकारीहरूको परिवारबाट रहेका छन्। अर्कोतिर एक परिवार एक नोकरी अन्तर्गत जून महिनासम्म काम गरिरहेका कर्मचारीहरूलाई 10 महिना अघिको कार्यालय आदेश देखाएर कसरी नोकरीबाट निकालियो भाजपा सिक्किम कार्मिक विभागको यस प्रक्रियामाथि गम्भीर प्रश्न उठाउँदै विभागबाट यसको जवाफको माग गर्दछ।
यस अतिरिक्त कार्मिक विभाग यस प्रकारको शंकास्पद अनि राजनीतिप्रेरित कदमको घोर भर्त्सना जनाउँदछ अनि यस मामिलामा मुख्यमन्त्री जो •पोकलोक कामराङका विधायक पनि हुनुहुन्छ) स्वयंले हस्तक्षेप गरेर पीड़ित गरीब परिवारका कर्मचारीहरूलाई यथाशीघ्र न्याय दिनुपर्ने अनि उनीहरूलाई आफ्नो पदमा पुनर्बहाल गर्नुपर्ने माग गर्दछ ।
अर्कोतिर राज्यका विभिन्न स्थानहरूबाट से साना ठेकदारहरबाट आफूले गरिरहेको काम खोसिएको गरिसकेको कामको बील भुक्तानको निम्ति विभागमा जाँदा सत्तारूढ़ पार्टीको सीएलसी र क्षेत्र प्रभारीहरूको सिफारिस माग्ने चलन आदिबारे भाजपा सिक्किमलाई विभिन्न गुनासो र सिकायतहरू प्राप्त भइरहेको छ।
भारतीय जनता पार्टी सदैव सुशासन र सिफारिसमुक्त व्यवस्थामा विश्वास गर्न राजनीतिक दल रहेको कारण सिफारिस प्रथाको बारम्बार विरोध गर्दै आएको छ भने राज्यको ग्रामीण • स्तरमा सीधा सोझा ठेकादारहरूले यसरी राजनीतिक सिफारिसको चक्करमा आफ्नो बहुमूल्य समय गुमाउनुपर्ने व्यवस्थाको घोर विरोध गर्दै यस्तो व्यवस्थाको यथाशीघ्र अन्त हुनुपर्छ भन्ने भाजपा सिक्किम माग गर्दछ। यसै गरी नयाँ नीति अन्तर्गत शिक्षक भर्ना प्रक्रियामा पनि धेरै अघिदेखि कार्यरत शिक्षकहरूको नाम राजनीतिप्रेरित ढंगमा हटाइएको गुनासोहरू पनि भाजपा सिक्किमको संज्ञानमा आएको छ।
यसर्थ भाजपा सिक्किम यस्ता पुराना अस्थायी शिक्षकहरूलाई नयाँ नीति अन्तर्गत प्राथमिकताका साथ स्थान दिएर उनीहरूलाई न्याय गरिनुपर्ने सरकारसमक्ष माग गर्दछ ।
डा. राजु गिरी
प्रवक्ता भाजपा सिक्किम
